【11天鐵窗風雲】當年、從風光天王到鐵窗囚徒，「11天經歷」被網民大作文章、投訴、舊事重提！導致「蘇永康直接收皮」

蘇永康個樣雖然各花入各眼，之不過佢唱得就係人都知，而佢23年前喺寶島take嘢、坐咗11日花廳亦都好多人知。

雖然已經過咗23年又人誰無過，但總係有人唔想你好過。就好似日前有內地網民以佢呢件舊事大做文章、投訴到相關部門、引起網絡熱議，

搞到最終被迫取消蘇永康溫州演唱會咁，都幾「經典」㗎。話說蘇永康原定10月6日會喺溫州舉行「So Live」巡迴演唱會，票價其實都唔係好貴，199至699元人仔。

咁啱啱先同3個好兄弟許志安、梁漢文以及張衛健喺紅館舉行咗三場「Big Four」合體演唱會，再加把勁繼續喺內地搵吓真銀都好正常嘅。

不過弊在有前科呢！雖然依家已經剪咗清朝辮過100年，犯咗大錯又唔會用火鐵烙印「囚犯」二字喺額頭度，但總係有人思想停留喺幾百上千年前。

於是咪有呢個投訴及下架嘅事件發生囉，至於呢個趾高氣揚嘅網民，港式粵語都有個好貼切嘅稱呼，大名叫：「道德L」。

其實道德L所投訴嘅事，咪話已經過去咗23年，蘇永康亦都受到坐11日花廳嘅懲罰，以及當時事業一鋪清袋。淨係舉辦演唱會本身，就已經合符法規，

因為有關部門已經出面解釋清楚，話蘇永康嘅演唱會報批資料齊全，審批程序合規。再加上蘇永康近兩年其實都有喺內地唔同城市舉行演唱會，次次都正常審批通過，唔通又話呢啲地方嘅審批有問題咩。

如果真係要上綱上線嘅話，咁檸檬頂包案妨礙司法公正、古老闆年少劫案入冊、山雞年少非禮女同學等等留有案底嘅藝人點啊？咪一樣喺內地搵到盆滿缽滿、人氣長紅。

咁蘇永康又係唔啱嘅，點解唔早啲翻內地努力呢，如果多翻幾次聲淚俱下嘅道歉認錯，同時早啲建立強大嘅人氣同粉絲，咁就唔使驚啲牛鬼蛇神啦。

其實唔鍾意唔緊要，甚至鬧吓D吓都好正常，但係都要玩投訴，將自己變成道德L，就真係好仆街。