by 早前TVB力捧小花古佩玲，網上卻出現不少反彈聲音，許多網友直言寧願看蔡思貝，也不願接受被戲稱為「膠面人」的新人。
更有評論指出，蔡思貝現時的處境宛如當年徐子珊的翻版——在圈時被人批評嫌棄，一旦離巢或淡出，大家又開始懷念起來（下圖右邊：古佩玲《2019年度香港小姐競選》季軍）。
雖然佢哋兩個嘅情況、因由都相差甚遠，好難相提並論，不過相同嘅係，蔡思貝會步徐子珊嘅後塵，即將離巢。
話說日前傳出已經差唔多兩年冇新劇拍嘅蔡思貝，喺約滿之後就會離巢TVB，依家剩低嘅就係按合約「還show」。所以佢將會孖住羅子溢（下圖右邊：徐子珊），
加埋《中年好聲音》兩個歌手羅啟豪、王鄭浚仁一齊飛去美國紐約同洛杉磯登台開show。睇翻個票價都唔算平㗎，
分別係美金168、108同埋68，即係港紙1300、830、520左右。有工開點都好過冇工開，雖然蔡思貝唔係歌手，但羅子溢都唔係吖嘛（下圖），
有伴唔使怕，加上在地華人有鄉愁濾鏡，歡迎都嚟唔切啦。不過還完show之後，蔡思貝可能就真係要同TVB嘅觀眾講拜拜喇。
皆因依家呢個「半雪藏」狀態根本望不到盡頭，唔單止新劇年幾兩年冇佢份，甚至就連佢曾經親口講過會接拍續集嘅《飛常日誌II》，亦都冇佢份。
陰功豬嘅係，早前劇組喺開鏡儀式上仲話係「原班人馬」再續前緣…，咁講都有嘅，女一蔡思貝都冇影喎，「貝貝及其粉絲」一定又嬲又傷心㗎喇。
不過、好彩嚟緊嘅星爺新戲《少林女足》會有蔡思貝客串，鍾意佢嘅朋友雖然冇咩機會再喺公仔箱見到佢，但可以入戲院睇吓佢嘅。有人鍾意當然亦就有人唔鍾意，
而且睇翻觀眾及網民嘅意見，唔鍾意嘅真係佔咗大多數。雖然有啲「包拗頸」唔認同，但睇翻呢兩年TVB對佢嘅工作安排，就已經一葉知秋啦，
嚿年、今年、出年，十幾套重頭劇都冇佢份。寧願畀機會細佢5屆嘅港姐陳曉華都唔畀佢，但講演技佢點都高一班，而講獎項佢仲攞過視后。之但係冰凍三尺非一日之寒，
然後又因為同眾多男星傳出緋聞被冠以「人肉發電機」稱號。而最令唔少觀眾及網民反感嘅就係「介入」王浩信同陳自瑤嘅婚姻，雖然冇證冇據，但觀眾就係唔buy。
除咗入行初期備受力捧之外，蔡思貝嘅負面新聞亦都多不勝數。包括早期被稱為「高分貝」非常趕客，之後又被爆出「虛報學歷」，再加上嗰年台慶挽住王浩信行紅地氈嘅姿態（下圖），
令好多人更反感佢點解唔收斂，反而更「得戚」。雖然都係主觀感受，但觀眾緣呢家嘢本身就係玄學，無關乎演技好唔好，
如果再疊加一系列嘅負面新聞，咁就真係可以講拜拜㗎喇。當然，never say never，或者離巢TVB之後，蔡思貝會有更好嘅發展呢，又或者吸取教訓之後嘅佢，
單憑客串《少林女足》就演技大爆發，然後突圍而出呢～
