by 早前播出的綜藝節目《港女萬歲》以直率大膽的風格，深入探討「港女」現象，涵蓋搞事風波、感情出軌等敏感議題，
話題十足之餘亦引發廣泛討論，口碑與收視雙收，成功突破圈層。經過半年精心籌備，節目第二季《港女又萬歲》已正式上線首集，延續犀利風格，
進一步挖掘更具爭議性的角色與更震撼的社會話題，再度掀起熱議話題。節目中，貝依霖隨即爆料，話自己14歲時，被一位已婚男士追求嘅經歷。
佢話：「嗰時有個男人約咗我出去，話要簽我去佢間雜誌，結果被人影到上咗封面。」而對方同樣都講過類似說話：「我老婆好靚，我好愛我老婆，不過佢已經係我屋企人喇，我同佢只有感情，唔係愛情。」
貝依霖透露，呢位男士除咗當時開雜誌社，對方老婆更係歌手，啱好開緊演唱會。之後佢又補充：「呢句說話，我聽咗十幾年，到依家啲已婚男人都係咁樣講！」
【完全唔使估，就係佢】吳浩康聽完貝依霖嘅描述，當即表示：「I know who！」唔少網民即刻留言競猜，指當事人好可能就係《Yes!》雜誌創辦人，兼周慧敏老公——倪震。
查翻資料，貝依霖14歲嘅時候，大概係2008至2009年左右。而倪震正正喺2008年因偷食城大校花張茆而成為焦點，並於2009年初與周慧敏「閃分再閃婚」。
雖然時間似乎有啲出入，貝依霖亦冇明確開名。但網民依然熱烈討論，認為對方特徵完全吻合，即係八九不離十。【倪震偷食風流史】倪震喺娛樂圈唔單止係文化人，亦係緋聞十分之多嘅風流才子。
佢與玉女女神周慧敏嘅愛情婚姻，表面睇非常童話，不過實際上又非常狗血。因為呢位風流才子，不斷挑戰大眾嘅三觀，佢嘅偷食行為可以話係周而復始，經歷豐富完全可以出書。
其中最具代表嘅「經典案例」就有呢兩單：1990年代，倪震與周慧敏拍拖期間，被爆出暗交香港小姐候選人黃翊。呢段關係一度令周慧敏大受打擊，二人一度分手，黃翊亦成為輿論焦點。
不過，當年周慧敏選擇咗「包容」，二人最終復合。2008年，偷食「城大校花」張茆事件，可以話係倪震偷食案例中最為轟動嘅一次。
當時倪震喺蘭桂坊被影到與城大校花張茆激吻，立即全城嘩然。甚至令周慧敏形象受到牽連。雖然倪震第一時間公開道歉，甚至上演「浪子回頭」戲碼。
雖然周慧敏已經發咗分手公開信，不過二人好快就復合，隨即於2009年結婚。嚟到2022年，雖然倪震已經遠離幕前，不過仍然傳出與年輕網紅保持曖昧關係。
雖然冇實質證據，不過大家早已認定倪震呢個玩家「絕有此事」。【史上最包容老婆】雖然風流才子一次又一次偷食，一次又一次浪子回頭雖然玉女一次又一次選擇原諒，
甚至唔在乎「玉女形象」一次又一次成為笑柄。但呢個「史上最包容老婆」，周慧敏真係實至名歸。所以你要明白，「真愛」呢樣嘢，係無敵嘅，錯係可以一而再再而三包容嘅。所以如果有日對方問你：點解出去滾？
你就應該問翻轉頭：你係咪唔夠愛我？對於周慧敏的「故事」，你怎麼看？
