by 正所謂各花入各眼，每個人對「靚」的定義，本來就不盡相同。不過唔知點解，對於被封為「最醜港姐」嘅2017年港姐冠軍雷莊𠒇，
好多人嘅意見就相當一致。之但係呢個世界唯一唔變嘅就係變，所以就算係曾經嘅「最醜港姐」，如今一樣愈嚟愈多人鍾意。
話說日前雷莊𠒇就喺社交平台分享咗一條好open嘅「真空換bra」短片，熱辣程度相當之高。著住黑色波點絲質恤衫嘅佢，
完全唔扣鈕唔怕凍，搞到v字形直落肚臍咁滯。之後佢不停咁對住鏡頭「搖頭又尾擺飄移境界」，又扭籮又撥髮，總之就好自信好有型好sing gam啦。
即係作為生於加拿大，自細喺溫哥華長大嘅「鬼妹仔」，如果從呢個角度睇，又的確幾正嘅。之後最震撼嘅一幕嚟喇，佢突然轉身背對鏡頭，
然後雙手喺心口摷咗一下，再擰返轉面——鬼馬咁對住鏡頭展示出兩片厚墊，言下之意即係話畀大家知「我真空上陣㗎喇」。
同時雷莊𠒇又示意，用呢啲咁厚嘅墊效果唔好令人唔滿意。之後佢就拎出一件啡色bra，然後即場換上，當然鏡頭肯定有切換嘅。
而換上之後「神奇」嘅事即刻就發生喇，視覺衝擊力亦都更加明顯。最後佢仲對住鏡頭單眼wink，再做咗個心心手勢，反正就係相當自信啦。
而唔少網民睇完條片之後都即刻派心，留言話點解雷莊𐒇依家咁正。有人話「當年見到佢攞冠軍好反感，依家真材實料真係正」，亦有人表示「以前話佢最醜，其實真係走寶」。
甚至仲有人讚佢「上帝真係唔公平，你著咩都靚，而且獨一無二，美極了」。咪住先（幫大家問吓），真係咁多人覺得佢靚？
其實又可能係有嘅，一嚟大數據會推你鍾意嘅類型畀你，二嚟鍾意佢嘅可能早就已經關注咗佢。所以睇到自己鍾意嘅，又好難唔讚唔評論嘅。
正如你碌手機見到自己嘅偶像，或者鍾意嘅明星藝人，都會留意多一兩眼。講返雷莊𐒇，當年奪冠後負評滿天飛，好多人都話佢點解能夠成為港姐冠軍（亞軍係何依婷）。
甚至有人質疑佢奪冠，係咪同佢身家過億嘅老窦、香港十大傑出設計師雷葆文有關。而「最醜港姐」嘅稱號亦都係當時開始流傳。
但本嚟就係「鬼妹仔」嘅雷莊𐒇就一於懶理，話對自己外貌有信心就夠，香港同外國審美唔同。而對於「最醜港姐」標籤，佢一啲都唔介意，
甚至話：「I don’t care about people not liking me」。雖然係港姐冠軍，但雷莊𐒇就覺得自己唔適合香港娛樂圈，所以攞完冠軍之後就飛返加拿大，專注做model同演員。
而熱衷選美嘅雷莊𠒇，曾經話過，選美係佢嘅一個動力。所以選完港姐之後，佢仲繼續參與多個國際選美活動。例如2022年嘅「Miss Face of Humanity」，
雷莊𠒇就以香港代表參賽，最終獲得第四名。2024年又參加咗「環球小姐香港賽區」選美，最終攞季軍。2025年雷莊𠒇繼續出擊，
去咗喺菲律賓舉行嘅「環球華裔先生小姐選美大賽」。佢依然係代表香港出戰，以30歲「高齡」參賽，最終攞到亞軍。或者咁講啦，愈戰愈勇嘅雷莊𐒇，
亦都愈嚟愈有自信，而愈嚟愈自信，亦就愈嚟愈靚，以及愈嚟愈open。所以又唔難怪會有咁多網民鍾意佢嘅。
而且唔知係睇多咗順眼咗，定係佢愈嚟愈靚，似乎佢又真係未至於係「最醜港姐」嘅。其實相當有女人味也很耐看型！
話時話，從近年選港姐嘅趨勢嚟睇，有時真係低處未算低～
