by 戀愛也好，婚姻也好，一旦控制欲太強，往往容易釀成關係破裂。就如結婚18年、離婚1年後的視帝郭晉安，
最近罕見地公開談及離婚內情，揭開了這段婚姻背後的關鍵問題——過度的掌控欲。郭晉安坦言，戀愛初期的前半年，
兩人處於熱戀階段，相處甜蜜融洽，凡事都能互相包容、順從。但半年過後，情況卻逐漸變質。他指出，問題的根源在於「開始想要控制對方」。
雙方都不自覺地希望對方順應自己的節奏與想法，甚至為了避免衝突而選擇自我封閉，將對方越推越遠，最終導致彼此溝通斷裂，感情陷入僵局。
這種無形的掌控，看似出於關心，實則壓縮了彼此的空間，最終讓原本緊密的關係漸行漸遠。所以郭晉安都坦言，呢次離婚經驗，
令佢有機會重新認識同埋審視自己，因為自己都有好多嘢需要改善。講真的，第一時間提到「控制慾」呢三隻字，相信佢哋都應該好清楚問題喺邊度㗎喇，
而且控制慾呢樣嘢，的確又係唔知幾多戀情、婚姻嘅死穴。而控制慾呢樣嘢，往往都係以「為你好」作為其中最大嘅掩飾，實質就係各種嘅唔信任。
有時呢種控制慾變本加厲，更加會變成「恐怖情人」，真係諗吓都得人驚。講翻郭晉安，除咗婚姻之外佢都罕有咁提到自己點樣管教仔女，
佢話以前對大仔郭令山嘅要求高到離晒譜，並且自認係「恐怖爸爸」。不過依家個仔已經17歲喇，又去咗英國讀皇家音樂學院，
一年先見得10日，所以依家好珍惜同個仔食飯、睇戲嘅相處時光。至於13歲細女，佢就完全唔一樣喇，直情指囡囡係「小天使」，
雖然都曾經令佢「激心」，但自己就改變咗教育方式，儘量去遷就囡囡。所以囡囡依家好愛錫，亦都好支持佢呢個老窦，
果然「女兒是爸爸的前世情人」。而對於離婚後嘅「第二春」，前妻歐倩怡早前就被爆出已經有新歡，郭晉安亦被傳出同23歲港姐莊子璇「父女戀」。
不過除咗例牌否認之外，佢就話未來感情嘅事，自己唔會幻想、唔會計劃，並且相信緣份，上天會有安排。知道相處嘅問題喺邊，
咁相信郭晉安下一段感情應該都會處理得更好嘅，加上佢依家又係名副其實嘅鑽石王老五。擔任緊同家姐嘅上市公司嘅非執行董事，
身家有傳已經超過5億，所以感情事又真係唔使自己急嘅，大把人chur住埋身。
