by 2004年港姐冠軍徐子珊，在2019年宣佈退出娛樂圈。當時她真的徹底退圈的那一類，因為她連Facebook與IG帳戶都果斷的刪掉，
進入徹底「神隱」。之後坊間有傳她移居英國，而在曼徹斯特大學攻讀臨床心理學博士課程，畢業後更成為執業心理學家。
不知不覺中、大約過了6年了，徐子珊幾乎完全沒有公開露過面，連曾經嘅螢幕情侶、好友林峯同吳卓羲都話「唔知佢去咗邊」，更直指佢係——
失蹤人口！
不過，徐子珊的近況、最近竟然因為林峯演唱會而意外曝光，令唔少網民感到驚喜。事緣林峯早前一連七場紅館演唱會《GO WITH THE FLOW》，
其中就請咗周秀娜為歌曲《Let’s Get Wet》伴舞。而呢個舞伴，馬上引起網民回憶翻2010年林峯紅館演唱會，當時佢就請咗徐子珊為同一首歌伴舞。
當中二人嘅舞姿至今仍被眾多網民津津樂道。於是乎，唔少人就紛紛「集氣」召喚徐子珊現身演唱會尾場，可惜佢最終都係未有現身，亦冇公開回應。
反而引發更多人關註佢嘅去向。林峯喺演唱會結束後受訪時表示，自己同吳卓羲都搵唔到徐子珊，大家都冇佢消息，語氣中似乎有啲失落。
不過，就喺大家以為圈中人都同徐子珊斷曬聯絡之際，宣萱竟然自爆原來一直同徐子珊有聯絡。宣萱喺日前出席活動時被問到林峯搵唔到徐子珊，
佢立即回應：「我哋有呀，阿峯唔知我哋仲有聯絡嘅。」佢解釋話二人曾經一齊去非洲拍旅遊節目，所以有個群組保持聯絡。宣萱又透露，佢哋未拍過劇，
不過早喺2004年徐子珊參選港姐時，宣萱就係評判之一。後嚟二人又喺2009年一齊拍攝旅遊節目《活著》，2015年再合作過《我的女神演唱會》，所以佢哋關係匪淺。
當記者再追問徐子珊嘅現況之時，宣萱即刻警覺，並且明顯唔想多講，只係講咗句：「我唔講啦，可能佢想匿埋呢。唔知呀，唔好講咁多啦，始終係人哋嘅事。」
至於會唔會復出，宣萱直言：「如果佢咁靜態嘅話，我估佢未必。」不過佢補充話自己好鍾意同徐子珊食飯，因為對方食得好清淡：
「乜都唔食，好忍得口，咁我就可以食埋佢嗰份。」其實徐子珊既然已經徹底退圈做失蹤人口，又連社交平臺都刪埋、低調到連圈中人都搵佢唔到。
呢份決心同選擇，已經明明白白講得好清楚——佢想過另一種生活，一種起碼唔再屬於鎂光燈下嘅世界。所以即使有人好掛住佢當年喺螢幕上嘅笑容、演出，都係唔好再搞嗰啲網上召喚、集氣。
因為徐子珊已經將佢最靚最正嘅青春畀咗大家做「回憶殺」，都係唔好阻住佢享受一個不被打攪嘅人生。
