by 68歲嘅資深演員張國強（KK）日前現身TVB劇集《執法者們》宣傳活動。佢親口證實自己已經約滿TVB，回復自由身。
目前係改以另一種合作形式繼續同TVB保持合作。佢表示：「唔係話一定要喺邊度拍嘅，作為演員，全世界都可以去演出，有機會去荷裏活我都會嘗試。」
被稱為「港劇復興之作」嘅《執法者們》，雖然早已喺內地視頻平臺播完。但TVB一直未有喺香港播出，直到早前宣佈6月23日先至開播。
而喺《執法者們》中，張國強飾演警務處副署長。角色設定同吳啟華飾演嘅另一位副署長爭做「一哥」，所以劇中有唔少鬥法場面（下圖）。
佢話角色忠奸難分，只可以透露四隻字：「意想不到。」張國強表示，其實早年已收到唔少內地工作邀請，但因為TVB拍攝密集，請假困難。
依家回復自由身，可以令佢喺內地發展有更多空間。佢坦言TVB曾經有過挽留，但佢希望有新挑戰，特別係可以嘗試演一啲低下層角色。
唔再局限喺奸角，或者固定路線嘅角色之中。佢又特別強調自己同TVB並非不歡而散，同事認為：
「TVB係非常之好嘅，我唔係要讚佢，我亦唔需要講太多，佢好公正嘅，佢話畀你聽做到就做到，做唔到咪唔做到，佢亦都無話要強迫所有人，呢個真嘅。」
講到綠葉演員喺TVB嘅地位問題，特別係早前「被離巢」嘅綠葉王魯振順指TVB刻薄。張國強就認為要用心工作，老中青一代都係寶藏，走咗都係一種損失。
佢又提到唔少觀眾發現TVB劇據入面，主角冇咗「家庭戲」，佢認為係時代變遷。係因為大家多咗用手機睇劇，劇情自然要配合觀眾口味。
除咗拍劇，張國強亦開通咗內地社交平臺，希望拉近同觀眾嘅距離，展現唔同面貌。
他笑言、有朋友提醒他：「大家仲以為你退休咗！」
所以希望藉住平臺話畀大家知「張國強仍健在」。同時可以分享拍劇嘅點滴，佢甚至表示，可以畀到觀眾睇到，
原來張國強除咗演奸之外——「都有可愛一面」。
