by 🎬 等足六年！港產「都市傳說」級神作《尋秦記》近日終極登陸大銀幕！（沒錯，就是那部讓全城癡等、劇本改到脫層皮、選角吵翻社交平台、連監製都說「再不拍就真要穿越回秦朝拍」的傳奇改編！）
以下10大關鍵劇透，刀刀見血、句句封喉—— 睇之前，請先深呼吸、握緊爆米花、默念三遍「我自願入坑」；睇完之後，請勿在朋友圈哀嚎哦（劇透清單即將展開，慎點👇）！
1、電影一開始就揭曉大反派「逆賊集團」嘅大Boss：Ken（苗僑偉）佢原本係發明時光機嘅科學家，因為不滿項少龍早著先機，
又遲遲未返，令佢蒙受不白之冤，坐監20年。所以心生怨恨嘅佢出獄之後，帶齊人馬穿越返秦朝，想要取代秦王嬴政成為史上第一個皇帝。
2、重要角色不幸身亡：陶總管（歐瑞偉）喺Ken一行七人穿越返秦朝之後，即刻就同主角群展開咗激烈嘅追逐戰同槍擊戰。而喺交換人質、逃亡混戰嘅過程中，一直忠心耿耿嘅陶總管不幸身亡。
3、電影中最關鍵嘅高科技產品：變臉裝置除咗攜帶武器穿越返秦朝之外，Ken同阿女Galie（白百何）仲帶咗「變臉裝置」返去。而成齣戲就有三次重要嘅「變臉情節」，
包括交換人質時，項少龍（古天樂）變臉冒充嬴政（林峯）、Ken為咗做皇帝又變臉冒充嬴政、最後Galie要犧牲自己亦都變臉冒充嬴政。
4、項少龍個仔項寶兒，即係項羽（朱鑑然），係殘酷嘅歷史預言「反賊集團」被團滅時，Ken喺臨死前同嬴政講出咗殘酷嘅歷史真相：
就係10年之後項羽會剿滅秦國並取而代之。為咗自己嘅千秋霸業，嬴政誓要殺害項少龍一家以絕後患，仲摧毁埋佢哋穿越返香港嘅發射接收器，以斷絕佢哋最後嘅希望。
5、一切事件，都係為咗突顯電影嘅重點：項少龍同嬴政嘅師徒情分喺嬴政追殺項少龍一家嘅生死關頭，項少龍挾持咗嬴政，然後動之以情曉之以理，要求對方放過佢一家人。而呢20年嘅師徒情分，終於成功咁感動咗嬴政。
6、加入嬴政為咗長生不老，派人四處去搵長生不老藥嘅歷史典故感動到嬴政，咁當然最後就係放走項少龍一家大細啦。
因為呢件事，嬴政特意命令李斯（陳國邦）喺史書上面咁樣記載：派人出海尋找長生不老藥，從此一去不返。睇翻歷史，嬴政真係派過唔少人去搵長生不老藥，
其中最為後世所熟知嘅當然就係徐福啦。根據考古資料，佢係唯一一個「一去不返」嘅人，其他多數都有返翻嚟，一唔係就叛逃。
7、電影嘅關鍵對白：「順天而行」古天樂之前受訪時就曾經講過，要大家留意最後一句對白，而呢句對白就係電影入面項少龍同嬴政告別嘅一句說話。
佢語重心長咁對嬴政講咗四隻字：「順天而行～」除咗係勸嬴政唔好意圖篡改歷史之外，都係電影主旨嘅體現，亦都係主題曲之意啦：「天命最高～」
8、兩個开心ending之一：穿越返香港食點心電影嘅結尾出現咗另一個「平衡宇宙式」嘅結局，呢個結局扭轉咗嬴政破壞發射接收器嗰一刻之後嘅事——
項少龍成功帶住一行十人穿越返到現代香港，除咗佢之外，仲有烏廷芳（宣萱）、琴清（郭羨妮）、項寶兒、嬴政同李斯等人。一眾人等一齊睇煙花、食點心，氹得嬴政好開心。
9、兩個开心ending之二：趙倩公主「翻生」正當眾人「享用」緊被稱之為點心嘅食物嘅時候，一個令所有人都震驚嘅女人突然現身——佢嘅容貌竟然同當年嘅趙倩公主（雪兒）生得一模一樣，
喺眾人目瞪口呆之際，烏博士（廖啟智）就介紹佢其實係公司嘅員工Maggie。而Maggie仲聲稱因為項少龍嘅穿越，導致現實產生咗一啲新嘅變化咁話。
10、唔係爛片，兼顧情懷，誠意十足對於《尋秦記》電視劇嘅粉絲嚟講，睇完電影版應該都會滿意，因為你諗到嘅都會有，並且畀到足。由一開始穿插劇版嘅片段，
再加埋嗰首主題曲，啲情懷即刻返晒嚟，主角依然係項少龍同盤兒，依然有笑有淚。除咗情懷之外，成齣戲嘅劇本都算紮實，故事亦都完整，
亦有集中翻喺大家一直好重視嘅角色群嗰度，而唔係網上亂吹嗰啲。當然人無完人，聽古亦唔好駁古，有唔合理嘅位，亦有唔係好好睇嘅特效，
不過召集到原班人馬20年後再拍電影版，完全收貨啦。如果鍾意項少龍同盤兒嘅師徒關係，今次電影版又真係實現咗一個有意義嘅延伸，
兩個人嘅成長同反思，亦都相當令人驚喜。而且林峯嘅演技真係升level咗好多，當年拍劇版時佢先至出道冇耐，演「寡人」嘅霸氣有啲過於用力，
但依家「寡人」嘅霸氣真係由內滲出嚟。古老闆除咗投資3.5億之外，仲好清楚所有劇版嘅角色被人鍾意嘅原因，所以原有角色全部都有相應嘅戲份同劇情。
總之笑位好密集，整體氣氛好歡樂，就算冇睇過劇版都完全冇問題，呢個當然都係成個團隊嘅功勞，既滿足到情懷粉絲想睇嘅，又可以吸引更多新觀眾入場。
