by 短短4個月內傳出兩段緋聞，結果都被女方即時否認，甚至喺社交平台同公開場合反擊，場面一度尷尬。
佢因此成為網民熱議對象，被戲稱為「追女失敗嘅純愛戰士」、「癡情過頭」、「癩蛤蟆想食天鵝肉」等。所謂忍無可忍，沉默咗一段時間之後，
是可忍孰不可忍！呢位58歲TVB男星——大隻Rocky鄭健樂，終於決定唔再忍聲吞氣。近日佢接受傳媒專訪，大吐苦水之餘仲大反擊，為自己為愛情澄清一切。
佢受訪時第一句就實牙實齒咁話：「成件事我同Anita（37歲崔碧珈）係拍拖，真係拍拖！」之後即刻晒出兩人WhatsApp對話截圖，情話甜到漏，證明呢段「父女戀」唔係單方面發夢。
其中綿綿情話就有互相講「I love you」、佢叫崔碧珈做「珈珈」、崔碧珈叫佢做「Baby」。最爆嘅係，對話中兩個人仲連結婚計劃都傾埋，
崔碧珈撒嬌問佢：「你同邊個結婚啊？」Rocky就情深款款咁覆：「我當然係同你結婚！如果你願意❤️」。所以Rocky就強調佢唔係一廂情願，係真係有拍過拖，
因為「有kiss、有hug、有拖手」，不過否認有x關係。可惜嘅係自己一手曝光之後，戀情難抵輿論壓力，見光兩個月呢段相隔21年嘅戀情即刻玩完。
據Rocky所講，嚿年11月崔碧珈因為要開慈善音樂會，想操fit身材，就私訊搵Rocky做私人健身教練。根據佢講，兩人2025年11月左右因為Anita要開慈善音樂會，想操fit身材，就私訊搵Rocky做私人健身教練。
Rocky就以贊助形式只收場租費，但上咗第二堂之後就相約食飯，之後發展神速，開始正式拍拖。佢仲好留戀咁話，兩人訊息同電話都傾個不停，
最長一次傾咗9個鐘頭電話，破晒佢同崔碧珈嘅人生紀錄，仲話其實當時兩個人「三觀超合拍！」另外因為自己離咗婚、有兩個患有自閉症嘅16同17歲仔，以及之前破咗產，
對比崔碧珈就係富家女，所以Rocky話對方一開始就知情。並且繼續為對方講好說話，話對方唔係「拜金女」，如果對方覺得佢貪錢，根本唔會開始呢段感情。
不過Rocky同時解釋，破產只係因為疫情健身室幾次停業、離婚撫養權官司同埋經濟壓力，欠債唔係天文數字，「數目唔過一百萬」。因為崔碧珈明白佢，Rocky繼續透露，對方幫佢起咗個暱稱叫「清泉」，話係認為佢好似清泉咁單純，又欣賞佢勤力工作咁話。
除咗同崔碧珈呢單「有kiss、有hug、有拖手」嘅戀情之外，近期Rocky仲捲入咗同香港網紅唐菲嘅風波（上圖）。當時Rocky喺社交平台po出同對方較為close嘅合影，點知被解讀為公佈新戀情。
而女方就趁機炒作，公開話同佢完全唔熟，「本人同此人無任何關係，朋友都不是」。搞到Rocky再次成為傳媒同網民口中「溝唔到女嘅癡hon」，上晒頭條，非常無辜（下圖：網紅唐菲）。
所以喺訪問中，Rocky直接就畀出聊天截圖，話出po其實係經過女方同意，點知原來只不過有人借佢上位。搞到Rocky好無辜咁話：「你想借我宣傳唔係問題，但唔好踐踏我形象。」
好囉，一天都光晒。係就係Rocky幾無辜吓，不過對於佢「純愛戰士」呢個「哚」，任佢受訪100次、解釋1000次都係洗唔甩㗎喇。58歲依然對愛情、對人性咁「清泉」，
真係好容易被人一次又一次利用來、利用去㗎～
