by 香港首位進軍日本「動作女星界」嘅素海霖（又名繪麗奈），涉嫌代言境外dou bok網站，被西九龍總區重案組喺深水埗拘捕。
事緣世界盃分組賽期間，一個境外註冊嘅dou bok平台邀請素海霖擔任「特邀女神」，更出動千萬名車，以MV形式拍攝香車美人宣傳片，
並先後上架YouTube及Facebook。廣告推出後已引起唔少網民爭議，點知冇幾日，警方就拘捕29歲嘅素海霖。佢其後獲准保釋候查，
需於7月下旬返警署報到。警方表示，近日留意到有非法dou bok網站透過代言人宣傳，吸引香港dou客投注，經調查後今日採取拘捕行動。
事後，涉事網站已下架廣告，並移除所有關於素海霖嘅宣傳內容及相片。其實早前接受傳媒訪問時，素海霖曾表示平台喺馬來西亞合法登記，
並非針對香港市場，強調自己「奉公守法，絕對唔鼓吹dou bok」。佢又指自己喺亞洲有一定知名度，團隊詳細了解後先決定接拍，
更提到曾於兩項知名撲克比賽奪得冠、亞軍，認為代言冇問題。點知高調代言冇耐就出事。根據香港《dou bok條例》，除合法賽馬、彩票及持牌場所外，
其他形式包括網上dou bok均屬違法。即使伺服器設於境外，只要推廣行為喺香港進行，都可能觸犯推廣或便利收受dou注等罪行，最高可判監7年及罰款500萬。
消息曝光後，網民即刻洗版，有人留言：「又係世界盃，又有KOL落網。」亦有人翻出2022年世界盃時，素海霖曾透露收到多個網上dou bok平台邀請，
酬勞比一般廣告高3至6倍，但當時因擔心犯法而拒絕。事隔4年，最終仍接受代言，結果惹上官非。作為「香港第一位日本動作女星」，
素海霖於2023年以藝名「繪麗奈」出道，憑話題性令首部作品大賣，其後幾部作品銷量更一度力壓部分當紅女星，登上月榜前列。
不少香港網民都對一位土生土長香港女生能夠獨自到東京發展感到驚訝。不過，拍完6部作品後一直未有新作。素海霖曾透露，因經理人合約糾紛，
加上自己對合作片商要求較高，希望揀有實力、拍得好嘅公司，所以暫時停拍。當時雖然一度傳出「引退」，但佢澄清從未打算收山，
只係等待合適時機。至於今次被捕事件會否影響未來拍片計劃，暫時仍有待觀察。不過，亦有唔少網民表示，睇到今次事件後，對佢嘅作品已經冇晒興趣。
