by 現年62歲嘅TVB前小生張兆輝，同太太郭碧妍結婚28年，育有一子一女，張卓鏗同張卓姿。
呢位圈中出名嘅好老竇，近年除咗積極轉戰內地拍劇拍戲之外。佢最放唔低嘅就係自己嘅女張卓姿，所以佢成日都會喺社交平臺分享父女合照。
仲以「寶貝珠」嚟稱呼對方，真係愛女如命，難怪坊間一直都話女兒係爸爸嘅「前世情人」。而即將喺下個月14日踏入21歲嘅張卓姿，
自細已經非常標緻，眼大大、鼻高高，遺傳曬父母嘅優良基因。長大之後嘅張卓姿，靚得嚟又有仙氣，更被眾多網民激讚佢撞樣兩代「嘉欣」女神——李嘉欣或鍾嘉欣。
甚至有不少網民建議她去參選香港小姐，順便幫手將港姐質素拉高。張卓姿過往主要以長髮乖乖女嘅形象示人，
不過之前佢喺社交平臺公開一輯寫真，就轉咗look。佢換上微曲短髮、著上短Tee、搭配裙仔，大騷fit爆身材，令人眼前一亮。
除咗外貌吸睛之外，張卓姿內涵方面同樣唔輸蝕。14歲就開始喺英國留學的她，當年英國GCSE考試攞到5A2B嘅優異成績。
現時就讀於倫敦藝術大學屬下嘅倫敦傳媒學院，主修電影與電視學士課程。她早前就同幾個同學合作拍攝短片《Institute of Proper Ladies》。
仲喺比賽中奪得「最佳剪輯獎」、「最佳音響設計獎」同「最佳女配角」三大獎項，成為賽事嘅大贏家。有份執導嘅張卓姿，
可以話係才貌兼備。而作為好老竇嘅張兆輝就非常支持愛女追夢。無論張卓姿選擇修讀電影定係攝影，張氏夫婦都全力支持。
張太郭碧妍之前更建議阿女：想做攝影師之情，要先學識習慣被人影。佢係非常鼓勵張卓姿先做Model，充分體驗拍攝嘅感覺。
事實上，張卓姿喺中五暑假就曾試過做Model，近排亦時不時喺社交平臺分享靚相。雖然近年張兆輝長駐內地發展，
但他和愛女的感情依然緊密。張卓姿每逢假期都會返珠海屋企探嚇父母。之前張兆輝分享同愛女食飯嘅短片，並表示：「放暑假了，爸爸帶妳去吃好吃的！」
而張太郭碧妍亦有分享同一條片，佢笑言：「帶我個女去食，我覺得係珠海最好食嘅中餐。」片中嘅張卓姿面對鏡頭時，雖然略帶羞澀，
不過、仍然拖實老豆，一家人溫馨滿瀉，令人羨慕。目前張卓姿繼續喺倫敦進修電影與電視，才貌兼備嘅佢，愈大愈有星味。
他日入行、加入娛樂圈的話，大概可能星途無限。
