by 洪金寶的大兒子，被老婆派帽？「影壇大哥大」洪金寶嘅大仔洪天明，喺2012年同06年的港姐亞軍周家蔚結婚。
二人育有兩子，一家四口原本畫面都相當溫馨嘅。周家蔚婚後就淡出幕前，專心做賢妻良母，近年仲轉型做埋KOL。
影二代洪天明雖然無法繼承「影壇父業」，不過近年就轉戰內地市場，將「洪家班」商業化，推出各類健康產品。
經常要兩邊走嘅佢，自然就同老婆周家蔚聚少離多。過去幾年，二人不時都會喺社交平臺放閃，周家蔚仲會用「望夫石」、「好掛住爸爸」等字眼營造出恩愛形象。
不過近期佢哋就被指「零交流」，只係人前扮恩愛，私下各有各玩，13年婚姻出現暗湧。近日有傳媒爆出近一個月嘅追蹤報道，
發現佢哋兩公婆已經各自各精彩，私下罕見一家四口合體。包括日前周家蔚同好姊妹佘詩曼出席活動時，就著上一身戰鬥格服裝，相當吸睛。
而喺活動結束之後，略帶醉意嘅周家蔚，就喺大庭廣眾之下毫不避忌咁，翹住前唱片公司高層兼黎明好友嘅王凱文手臂離場。
然後佢再同王凱文以及另外兩位男士去尖沙咀嘅私人會所夜蒲。周家蔚一落車就即刻除咗西裝褸，身材十分搶眼，最後蒲到淩晨一點幾佢先面紅紅咁離開。
雖然被傳媒稱為「派帽」，不過周家蔚回覆傳媒時就表示，其實當晚係約咗表弟慶祝。一齊嘅朋友有男有女：「唔係淨係得我一個女仔」。至於蹺住王凱文嘅手臂，周家蔚就解釋係因為太耐冇著高踭鞋，所以要搵人扶一扶。
佢強調對方王係老公洪天明嘅好兄弟，自己都當係阿哥。然後佢又澄清自己同老公感情好好：「我仲係好愛我老公，長期心心眼望住佢，溝通非常之好，唔使擔心！」
其實，導致如今兩公婆各有各玩嘅局面，好大程度都係由於「風流貪玩」嘅洪天明。素有「賞金獵人」之稱嘅洪天明，結婚兩年後嘅2014年起，就開始被多次影到眾多風流韻事。
最轟動嘅一單，就係2017年佢喺上海夜蒲時，被影到醉攬模特兒杜顏嘉。當時仲有一張二人頭貼頭嘅合照流出（下圖），但事後杜顏嘉火速刪除合照，被指無私顯見私。
兩個月之後，洪天明又被影到喺澳門外港碼頭，同一名身穿露背裝嘅中女拖手。去到2017年，洪天明再次被影到喺上海夜蒲，甚至拖女返酒店。
當時周家蔚就發文力撐老公，仲曬出全家福進行「止血」，並且話只係一場誤會。嚟到2025年，有傳洪天明同周家蔚二人嘅關係k急轉直下，甚至有「各有各玩」嘅默契。
而大哥大洪金寶得知後，基於家族面子同孫仔成長，曾經「落order」唔準二人離婚。所以兩公婆唯有人前繼續扮恩愛。不過相對老婆夜蒲，
洪天明近日就被影到每日操完gym之後，就即刻去學校接仔放學。而洪天明同兩個仔嘅關係相當好，拖手、搭膊頭，三父子嘅互動非常溫馨。
之後再帶兩個仔去食飯醫肚、買禮物、影學生相，完全係一個「廿四孝老竇」。洪天明曾經講過想多啲時間留喺香港做嘢，不過又諗過想安排兩個仔到杭州讀書。
但因為老竇洪金寶唔捨得兩個乖孫，所以作罷。同時周家蔚只係想留喺香港宣傳「洪家班」品牌」，唔會長時間離港，雙方似乎未有共識。為咗小朋友，為咗老竇，
為咗面子，兩個人一直人前扮恩愛都有厭倦嘅時候。不過與其話洪天明被派帽，倒不如話有人咎由自取。正所謂一次不忠百次不容，
何況已經不忠過好幾次。每次周家蔚都出嚟護夫，即使係表面功夫，但都已經相當難得。正所謂破鏡難圓，一次次嘅傷害唔死心就怪。
小朋友細個就話忍妳啫，依家大咗，仲唔搵返自我咩～
