by 繼資深演員羅蘭早前傳出離開TVB，其官方網站藝人資料亦隨即下架後，TVB另一位重量級視帝郭晉安，亦於今日悄然「消失」於TVB官網藝人名單中。
這位效力無綫長達37年的三屆視帝，曾憑電視劇《戇夫成龍》、《阿旺新傳》及《忠奸人》三度獲封為「香港視帝」，是繼羅嘉良和黎耀祥後第三位多次獲得該殊榮的男演員！
令人唏噓的是，郭晉安剛憑台慶劇《金式森林》入圍本屆「最佳男主角」，外界普遍看好他有望衝擊史無前例的「四屆視帝」殊榮！
若成真，將成為TVB歷來首位達成此里程碑的男藝人。然而，就在提名公布、備戰頒獎禮的關鍵時刻，其官網資料卻悄然撤下，離巢傳聞不脛而走。
不少網民留言表示惋惜：「太突然了」「明明正處事業高光期，卻選擇在此時離開」；亦有觀眾感嘆：「37年，幾乎是一輩子的電視人生……」
無論最終去向如何，郭晉安與TVB這段跨越近四十年的合作，已深深烙印在港劇發展的歷史上。也有不少網民覺得，話佢啱啱先憑台慶劇《金式森林》獲提名今年視帝。
本嚟好有機會力爭「首個四屆視帝」嘅，點知喺呢個咁關鍵嘅時刻離巢，應該都冇機㗎喇咁話。係就係機會可能會降低，但其實今屆嘅視帝之爭都可以話係大亂鬥。
既有同劇嘅羅子溢，亦有分別以兩套劇集入圍嘅陳豪同黃宗澤，更有入圍過金像獎影帝嘅外援林保怡。所以郭晉安再攞視帝，其實都唔係坐定粒六嘅。
不過眼見咁多網民戥佢可惜，郭晉安都即時回應離巢傳聞，確認已經離巢，至於原因佢就話唔講咁多，畀大家估吓。而最關鍵嘅就係，
佢話做咗咁多年藝人，最開心最幸福嘅——就係有得揀！去年「升級」為上市公司非執行董事之後，果然唔同。咁係吖嘛，正所謂：有得揀先至係老闆。
所以郭晉安應該都唔係好志在再攞視帝呢樣嘢嘅，有咪「錦上添花」囉，冇都冇所謂，「隨緣吧」。畢竟佢已經喺TVB仲算係黃金時代之時，就已經攞過三屆視帝。
加上同家姐創辦嘅呢間保健品公司嚿年先上市，都係時候投放多啲時間喺公司嘅發展上。而且某種程度嚟講，以TVB三屆視帝形象為事業加持嘅作用，喺公司上市後亦都達到咗。
再加埋嚿年又同前妻歐倩怡離咗婚，仔女又已經長大，都係時候轉吓跑道㗎喇。而轉跑道呢樣嘢，最緊要嘅都係要有本錢，不過郭晉安絕對冇有使怕啦。
創辦嘅公司上咗市，自己又一直投資有道，手持多個物業，有傳身家已經高達5億。所以網民仲戥佢可能攞唔到視帝而唔抵？咪玩啦。亦就係因為身家豐厚，
所以61歲嘅郭晉安今年先會有咁多「緋聞」，就好似同23歲嘅港姐莊子璇傳出「父女戀」等等（上圖）。雖然二人最後都極力否認，
但郭晉安的而且確係名副其實嘅「鑽石王老五」吖嘛。咁作為「鑽石王老五」，樣貌同身材又keep得咁好，有啲鶯鶯燕燕同埋花邊新聞都係正常嘅。
希望郭晉安可以快啲搵到真正嘅第二春啦，咁咪唔使被人傳緋聞，同埋成日出嚟否認囉。
