by 近日，無線電視台在廣州舉行了一場名為「TVB內聯外通新篇章：大灣區影視華采發布會」的大型活動，現場星光熠熠。
除了有TVB行政主席許濤、節目內容營運總經理曾志偉等高層親自坐鎮之外，竟還出動了25位當家小生花旦。包括馬國明、高海寧、陳豪、
張曦雯、朱敏翰、張振朗、劉穎鏇等人一同登場，為TVB開拓大灣區市場打氣。發布會上，TVB同五家企業正式簽署合作備忘錄，
進一步拓展影視娛樂版圖。將會同騰訊等內地單位合作開拍多部新劇，而其中最矚目嘅，無疑就係宣布重新開拍——金庸經典武俠劇《笑傲江湖》。
關於這個、也是TVB多年之後再次改編金庸作品，自然引發廣泛關注。在新版《笑傲江湖》宣布開拍之後，網民即刻掀起熱烈討論。
有部分網民，建議新版將由吳卓羲同朱千雪分別飾演令狐沖與任盈盈。亦有部分網民認為應該畀啲機會新生代演員，
提議丁子朗、曾展望等人做令狐沖。不過就依然支持產後暫未復出嘅朱千雪擔正女主角。其他角色方面，
網民就建議陳曉華演岳靈珊、涂毓麟做林平之。甚至有人惡搞提議由《愛·回家之開心速遞》入面經常反串嘅周嘉洛（下圖：右邊），出演東方不敗。
其實TVB早喺1984年就推出咗首部《笑傲江湖》，由周潤發同陳秀珠主演。去到1996年再拍新版時，就有呂頌賢同梁佩玲主演。
至於《笑傲江湖》嘅其他劇版，亦有任賢齊配袁詠儀、馬景濤配范文芳、李亞鵬配許晴、霍建華配陳喬恩等組合。可見《笑傲江湖》一直都係觀眾心中嘅武俠經典之作。
除咗宣布新劇計劃，當日活動亦展示TVB積極投入大灣區市場嘅決心。高海寧就分享在拍新劇《新聞女王2》喺深圳前海取景，《璀璨之城》就轉戰澳門拍攝，
認為唔同地方嘅氛圍幫助入戲。陳豪就話TVB嘅國際網絡有助將大灣區航空樞紐推向世界，港劇喺粵港澳文化交流上發揮重要角色。
而馬國明同張曦雯，亦分享咗喺前海等地拍攝外景時嘅難忘經歷。
